სეუ - საქართველოს ეროვნული უნივერსიტეტი

სამაგისტრო პროგრამის  ყველა  (სასწავლო, პრაქტიკული და კვლევითი) კომპონენტების ერთობლიობა, მათი შინაარსის, სწავლისა და სწავლების მეთოდებისა და კრედიტების მოცულობის გათვალისწინებით,  უზრუნველყოფს პროგრამით გათვალისწინებული სწავლის შედეგების მიღწევას უმაღლესი განათლების კვალიფიკაციათა ჩარჩოს მეორე (სამაგისტრო) საფეხურის აღმწერის სათანადო დონით.

პროგრამის დასრულების შემდეგ მაგისტრი უნდა ფლობდეს თანამედროვე აქტუალურ კვლევებზე დაფუძნებულ თეორიულ ცოდნას საგანმანათლებლო სფეროს ადმინისტრირების კომპლექსურ საკითხებზე, ჰქონდეს პრობლემის ორიგინალური გზით გადაჭრის პრაქტიკული კომპეტენცია,  საჭირო ინფორმაციის მოძიების და  საკითხისადმი კრიტიკულად მიდგომის უნარი. ასევე მაგისტრს უნდა შეეძლოს დარგის კვლევითი მეთოდოლოგიის გამოყენება კვლევითი პროექტისათვის

ცოდნა და გაცნობიერება: 

სამაგისტრო პროგრამის დასრულების შემდეგ სტუდენტს ჩამოუყალიბდება სფეროს ღრმა და სისტემური ცოდნა, რომელიც აძლევს ახალი, ორიგინალური იდეების შემუშავების საშუალებას, აცნობიერებს ცალკეული პრობლემის გადაჭრის გზებს;

კერძოდ ექნება თანამედროვე აქტუალურ კლევებზე დაფუძნებული ღრმა და სისტემური ცოდნა შემდეგ საკითხებზე:

• თანამედროვე საგანმანათლებლო სისტემების და საგანმანათლებლო პოლიტიკის ძირითადი მიმართულებების შესახებ;
• საგანმანათლებლო სფეროს სისტემური კავშირების, საგანმანათლებლო ინსტიტუტებისა და საგანმანათლებლო სისტემის აქტორების ურთიერთქმედების მარეგულირებელი სამართლებრივი მექანიზმების შესახებ;
• საგანმანათლებლო სისტემის ფინანსური ადმინისტრირების შესახებ;
• საგანმანათლებლო დაწესებულებაში მმართველობითი საქმიანობის, ლიდერობისა და პერსონალის მართვის თეორიების შესახებ;
• სტუდენტის არჩევით, ზოგადსაგანმანათლებლო ან უმაღლეს საგანმანათლებლო დაწესებულებაში არსებული პროცესების ადმინისტრირების შესახებ;
• საგანმანათლებლო დაწესებულების სოციალური როლის მნიშვნელობის გაცნობიერება; 

ცოდნის პრაქტიკაში გამოყენების უნარი

პროგრამის დასრულების შემდეგ კურსდამთავრებულს უნდა შეეძლოს შეძენილი ცოდნისა და უნარების პრაქტიკაში გამოყენება. ახალ, გაუთვალისწინებელ და მულტიდისციპლინურ გარემოში მოქმედება; კომპლექსური პრობლემების გადაწყვეტის ახალი, ორიგინალური გზების ძიება, მათ შორის, კვლევის დამოუკიდებლად განხორციელება უახლესი მეთოდებისა და მიდგომების გამოყენებით;

კერძოდ, კურსდამთავრებული შეძლებს:

• საგანმანათლებლო სისტემასი არსებული სიტუაციის ანალიზის, პრობლემების იდენტიფიცირების, ოპტიმალური მეთოდოლოგიის მისადაგების და მისი გადაჭრის პრაქტიკული გეგმის შემუშავება;
• განათლების სფეროში არსებული პოლიტიკის ანალიზი და საგანმანათლებლო სისტემის განვითარების რეკომენდაციების შემუშავება;
• საგანმანათლებლო სტრუქტურაში (ზოგად თუ უმაღლეს -საგანმანათლებლო) ხარისხის უზრუნველყოფის სისტემის შეფასებას, საგანმანათლებლო პროცესების მონიტორინგსა და შეფასებას;
• საგანმანათლებლო დაწესებულების განვითარების სტრატეგიის შემუშავებას საგანმანათლებლო სისტემისა და საგანმანათლებლო ბაზრების გლობალიზაციის პირობებში;
• მონაცემთა შეგროვებას, ანალიზს და შესწავლილი მეთოდოლოგიური აპარატით კვლევის დამოუკიდებლად განხორციელებას;

დასკვნის უნარი 

პროგრამის კურსდამთავრებულს გამომშავებული აქვს რთული და არასრული ინფორმაციის (მათ შორის, უახლესი კვლევების) კრიტიკული ანალიზის, დასაბუთებული დასკვნების ჩამოყალიბების უნარი

კერძოდ სტუდენტს შეძლებს:

• საგანმანათლებლო სისტემაში არსებულ პრობლემების ანალიზის საფუძველზე მისი გადაჭრის თეზისის განვითარებას, ოპტიმალური გადაწყვეტილების შემუშავებას, დასაბუთებას, არგუმენტირებისა და დაცვას;
• საგანმანათლებლო დაწესებულების ორგანიზაციული განვითარების შეფასებას, სუსტი და ძლიერი მხარეების გამოკვეთას, რეკომენდაციების შემუშავებასა და კრიტიკულ ანალიზს;
• საგანმანათლებლო პროცესში მეთოდოლოგიის ეფექტურობის შეფასებას და განვითარების თაობაზე დასკვნის შემუშავებას;
• კვლევის მონაცემების, სამეცნიერო წყაროებისა და სხვა მონაცემების კრიტიკულ ანალიზს; 

კომუნიკაციის უნარი 

პროგრამის კურსდამთავრებული გამოიმუშავებს კომპეტენციას, მოახდინოს თავისი დასკვნების, არგუმენტაციისა და კვლევის მეთოდების კომუნიკაცია აკადემიურ თუ პროფესიულ საზოგადოებასთან ქართულ და უცხოურ ენებზე, აკადემიური პატიოსნების სტანდარტებისა და საინფორმაციო-საკომუნიკაციო ტექნოლოგიების მიღწევათა გათვალისწინებით,

კერძოდ მაგისტრს შეუძლია:

• კონკრეტული დარგობრივი საკითხის შესახებ ინფორმაციის მოძიება, მის სტრუქტურირება და აკადემიური თუ ფართო საზოგადოებისათვის მისი წარდგენა ზეპირი თუ წერილობითი ფორმით,
• კვლევის მასალის დამუშავების შედეგების სტრუქტურირებული და თანამიმდევრული სახით ჩამოყალიბება როგორც წე­რი­­ლო­ბი­თი, ისე ზეპირი ფორმით;
• სხვადასხვა წყაროდან მოპოვებული ინფორმაციის (მეორადი მონაცემების) ანალიზი;
• წერილობითი ანგარიშის მომზადებისა და ზეპირი წარდგენა;
• კონკრეტულ პრობლემაზე საკუთარი მოსაზრების წერილობით გადმოცემა;
• შეუძლია კვლევის შედეგების გადმოცემა, წერილობითი ან ზეპირი, სრული თუ განზოგადებული ფორმით;

ენობრივი კომუნიკაციის კომპეტენცია       

შეუძლია ქართულ და ინგლისურ ენებზე კომუნიკაცია როგორც სპეციალისტებთან, ისე არასპეციალიტებთან პროფესიულ საკითხებზე, საკამათო საკითხების არსებობისას კომუნიკაციის სწორი ფორმებით წარმართვა

ინფორმაციული ტექნოლოგიების გამოყენების კომპეტენცია: 

ინტერნეტ-რესურსების გამოყენების, საინფორმაციო ტექნოლოგიების როგორც საკომუნიკაციო და სასწავლო ინსტრუმენტის გამოყენების უნარი;

სწავლის უნარი: 

სამაგისტრო პროგრამის დასრულების შემდეგ მაგისტრმა უნდა შეძლოს სწავლის დამოუკიდებლად წარმართვა, სწავლის პროცესის თავისებურებების გაცნობიერება და სტრატეგიულად დაგეგმვის მაღალი დონე,

კერძოდ სტუდენტს შეუძლია:

• უწყვეტი განათლების (მთელი ცხოვრების განმავლობაში სწავლის) საჭიროების გაცნობიერება;
• საკუთარი სწავლის მისწრაფებების განსაზღვრა გარემოს და შესაძლებლობების გათვალისწინებით და ცოდნის გაღრმავების სტრატეგიის დამოუკიდებლად ჩამოყალიბება
• საკუთარი ცოდნის თანამიმდევრულად და მრავალმხრივად შეფასება და შემდგომი სწავლის საჭიროების გაცნობიერების მიზნით, მომავალი სწავლის სტრატეგიის შემუშავება და ცოდნის დამოუკიდებლად გაღრმავება
• საჭირო ინფორმაციის მოძიებისა და სტრუქტურირების უნარის გამომუშავება; 

ღირებულებები 

კურსდამთავრებულს ღირებულებებისადმი თავისი და სხვების დამოკიდებულების შეფასება და ახალი ღირებულებების დამკვიდრებაში წვლილის შეტანა შემდეგი გზით:

იცის სამეცნიერო პოლემიკის, სხვა ავტორების ნაშრომების ციტირების და შედეგების გამოყენების წესები და ეთიკა. შეუძლია ღირებულებათა დამკვიდრების გზების კვლევა და მათ დასამკვიდრებლად ინოვაციური მეთოდების შემუშავება;

აცნობიერებს საგანმანათლებლო სფეროსა და საგანმანათლებლო დაწესებულების საზოგადოებრივ ამოცანას და მის პასუხისმგებლობას, და შეუძლია აღნიშნული ღირებულებების დამკვიდრებაში წვლილის შეტანა;

გამომუშავებული აქვს კრიტიკის კორექტულად გამოთქმისა და მიღების უნარი;

პიროვნული ზრდისა და პერმანენტული თვითგანვითარებისკენ სწრაფვა;

მეცნიერული ეთიკისა და აკადემიური პატიოსნების სტანდარტების დაცვა;

საგანმანათლებლო სფეროს ეფექტური მმართველობის (good leadership) მნიშვნელობას;