English
EN GE

04 თებერვალი 2019

სტაჟირების კონკურსი პროკურატურაში

საქართველოს ეროვნულ უნივერსიტეტ სეუ-სა და საქართველოს პროკურატურას შორის თანამშრომლობის ფარგლებში სეუ-ს იურიდიული ფაკულტეტის ბაკალავრიატისა და მაგისტრატურის კურსდამთავრებულებსა და მაგისტრატურის სტუდენტებს აქვთ შესაძლებლობა ჩაერთონ საქართველოს პროკურატურის მიერ გამოცხადებულ სტაჟირების კონკურსში.
-
სტაჟირების კონკურსი მოტივირებული და დაინტერესებული პირებისათვის არის საუკეთესო შესაძლებლობა - დასაქმდნენ და განივითარონ საკუთარი კარიერა საქართველოს პროკურატურაში.
-
სტაჟიორთა კონკურსში მონაწილეობის მისაღებად პირი უნდა იყოს საქართველოს მოქალაქე და ჰქონდეს იურიდიული განათლება.
-
თუ გსურთ გახდეთ საქართველოს პროკურატურის გუნდის წევრი და აკმაყოფილებთ წარდგენილ მოთხოვნებს, გიწვევთ საქართველოს პროკურატურის წარმომადგენლებთან დაგეგმილ საინფორმაციო შეხვედრაზე, რომელიც გაიმართება 2019 წლის 06 თებერვალს, 18:30 საათზე, საქართველოს ეროვნული უნივერსიტეტი სეუ-ს საკონფერენციო დარბაზში, აუდიტორია #713-ში.
-
შეხვედრის ფარგლებში საქართველოს პროკურატურის წარმომადგენლები მოგაწვდიან ინფორმაციას სტაჟირების პროგრამასთან, საქართველოს პროკურატურის საქმიანობასა და პროკურორის პროფესიულ როლთან დაკავშირებით. გარდა ამისა, თქვენ მოგეცემათ შესაძლებლობა დასვათ კითხვები კონკურსის პირობებთან დაკავშირებით.
-
ბოლო წლების განმავლობაში პროკურატურის ორგანოებში სტაჟირება 500-ზე მეტმა პირმა გაიარა. დღეისათვის საქართველოს პროკურატურაში პროკურორებისა და გამომძიებლების 50%-ზე მეტი სწორედ სტაჟირების გზით არის დასაქმებული,  მათ შორის,  საშუალო და მაღალ მენეჯერულ პოზიციებზე მყოფი  პირები.