English
EN GE

21 თებერვალი 2019

ესეების კონკურსი სეუში

გახდი საქართველოს ეროვნული უნივერსიტეტი სეუ-ს მიერ ორგანიზებული ესეების კონკურსის გამარჯვებული და წარადგინე შენი ნამუშევარი საქართველოს დემოკრატიული რესპუბლიკის დამფუძნებელი კრების 100 წლის იუბილესადმი მიძღვნილ ღონისძიებაზე, რომელსაც საქართველოს პარლამენტი უწევს ორგანიზებას.
-

კონკურსის პირობები:
-

კონკურსში მონაწილეობის მიღება შეგიძლიათ სეუ-ს ნებისმიერი ფაკულტეტის ბაკალავრიატისა და მაგისტრატურის სტუდენტს, რომელიც 26 თებერვლის 18:00 საათამდე გადმოგვიგზავნის ნამუშევარს, რის შემდეგაც კომპეტენტური ჟიური გამოავლენს საუკეთესო ესეებს.

გამარჯვებული ნაშრომი მონაწილეობას მიიღებს პარლამენტის მიერ ორგანიზებულ ესეების კონკურსში სახელწოდებით: „საქართველოს დემოკრატიული რესპუბლიკის დამფუძნებელი კრება - 100“.

საქართველოს პარლამენტში შექმნილი კომისია გამოავლენს გამარჯვებულებს, რომლებიც დაჯილდოვდებიან მიმდინარე წლის 12 მარტს ღონისძიების ფარგლებში საქართველოს პარლამენტის თავჯდომარის მიერ.
-

ესე უნდა შეეხებოდეს დამფუძნებელ კრებას და მის გარშემო არსებულ თემებს:

  • არჩევნები
  • პოლიტიკური პარტიები
  • ეთნიკური უმცირესობები
  • კრების მიერ მიღებული კანონები, კონსტიტუცია
  • ქალი დეპუტატები და სხვა

-

ნაშრომის კრიტერიუმები:

  • ტექსტი წარმოდგენილი უნდა იყოს ვორდის დოკუმენტში, ქართულ ენაზე
  • შრიფტი: Sylfaen
  • შრიფტის ზომა: 12
  • ინტერვალი: 1,5
  • ესეს მოცულობა: 700-1000 სიტყვამდე
  • ტექსტის ბოლოს მითითებული უნდა იყოს აპლიკანტის სახელი და გვარი, ტელეფონის ნომერი, კურსი და სპეციალობა
  • გამოყენებული ლიტერატურა
  • კონკურსის მონაწილეს შეუძლია წარადგინოს მხოლოდ ერთი ნამუშევარი
  • პლაგიატის დადგენის შემთხვევაში ნაშრომი მოიხსნება კონკურსიდან.

-
-

შეფასების კრიტერიუმები:

  • თემასთან შესაბამისობა და საკითხის სიღრმისეული გააზრება
  • ლოგიკური მსჯელობა
  • ანალიზი და არგუმენტირება
  • ნაშრომის სტრუქტურა (შესავალი, ძირითადი ნაწილი, დასკვნითი ნაწილი)
  • წერის კულტურა
  • ნაშრომის ინოვაციურობა/შემოქმედებითი მიდგომა.

-
ჟიური: ესეებს შეაფასებს სეუ-ს პროფესორებისგან შემდგარი კომისია.
-

ესეები უნდა გამოგზავნოთ შემდეგ ელექტრონულ მისამართზე: career@seu.edu.ge შეტყობინების სათაურში (subject-ველი) მიუთითეთ „საქართველოს დემოკრატიული რესპუბლიკის დამფუძნებელი კრება - 100“