6-10 ივნისის ჩათვლით, საქართველოს ეროვნულმა უნივერსიტეტმა სეუმ ბერლინის ბრანდენბურგის (bbw) უნივერსიტეტიდან გერმანულ დელეგაციას უმასპინძლა.
ვიზიტის მიზანი იყო ტექ და სამეწარმეო ლაბორატორიის მიმართულებით, გერმანული ეკოსისტემის გამოცდილების გაზიარება და ერთობლივ პროექტებზე მსჯელობა.
გერმანული დელეგაციის მხრიდან, შეხვედრებს უძღვებოდა ბრანდერბურგის (bbw) უნივერსიტეტის სტარტაპ ცენტრის თანახელმძღვანელი და სტრატეგიული მრჩეველი მირკო დრაგოვსკი. ასევე, სემინარებში მონაწილეობდნენ ამავე ცენტრის თანამშრომლები.
შეხვედრები გაიმართა, როგორც სტუდენტებთან, ასევე, ადმინისტრაციულ და აკადემიურ პერსონალთან.
