22 იანვარს, საქართველოს ეროვნულმა უნივერსიტეტმა SEU-მ, საერთაშორისო ურთიერთობების სამსახურის ორგანიზებით, პროფესორ ბრუნო ბერნარდის ონლაინ საჯარო ლექციას უმასპინძლა თემაზე: "როგორ შეუძლია საქართველოს ეკონომიკური კრიზისის ფონზე მეტი ექსპორტის წარმოება და მსოფლიოში ახალ პარტნიორებთან მზარდი თანამშრომლობის დამყარება".
აღსანიშნავია, რომ პროფესორი ბერნარდი, დოქტორ სამუელ მეისისთან ერთად, 2019 წელს ნობელის პრემიის კანდიდატი გახლდათ ეკონომიკის დარგში. იგი საერთაშორისო ვაჭრობის პალატისა და ევროკომისიის ექსპერტია. ის ასევე მარკეტინგისა და ბიზნეს ეთიკის 12 ენაზე ნათარგმნი 28 წიგნის ავტორია.
პროფეორი ბრუნო, ასევე არის ბელგიის პოლიტიკური ეკონომიის სამეფო საზოგადოების წევრი და ექსპორტში შეტანილი წვლილისთვის დაჯილდოებულია რაინდის სამი ტიტულით, როგორც საფრანგეთში, ისე ბელგიაში.
შეხვედრა ინტერაქტიულ რეჟიმში წარიმართა.
