11 მაისს, საქართველოს ეროვნული უნივერსიტეტი SEU-ს კარიერული განვითარებისა და კურსდამთავრებულებთან ურთიერთობის სამსახურის ორგანიზებით, გაიმართა საჯარო ლექცია თემაზე: „როგორ ვიცნოთ და გადავამოწმოთ მანიპულაციური კონტენტი.“
სპიკერი: ნატა ძველიშვილი - მედიასაშუალება „ინდიგოს“ დირექტორი, რომელიც ოთხი წლის განმავლობაში ხელმძღვანელობდა ჟურნალისტური ეთიკის ქარტიას. ამზადებს მედიაკვლევებს, ანგარიშებს და სახელმძღვანელო დოკუმენტებს როგორც ადგილობრივ, ისე საერთაშორისო ორგანიზაციებთან თანამშრომლობით.
ლექციის ფარგლებში სტუდენტებს ჰქონდათ შესაძლებლობა, გაცნობოდნენ ინფორმაციის გადამოწმებისთვის საჭირო ინსტრუმენტების გამოყენების ინსტრუქციას, რომელიც მათთვის საჭირო ინფორმაციის რელევანტურობის გადასამოწმებლად შეიძლება გამოიყენონ ნებისმიერ პროფესიაში.
ლექცია გაიმართა Zoom-ის ლიცენზირებული პრემიუმ ვერსიის გამოყენებით.
