სტუდენტის სტატუსის შეჩერებად განიხილება SEU-სა და სტუდენტის უფლება-მოვალეობების შესრულებისგან განთავისუფლება სტუდენტის სტატუსის შეწყვეტის გარეშე.
სტუდენტის სტატუსის შეჩერების საფუძველია:
უცხოელი სტუდენტებისათვის სტატუსის შეჩერების საფუძველი, გარდა ზემოაღნიშნული საფუძვლებისა, არის - „საქართველოს ტერიტორიაზე უცხოელი და მოქალაქეობის არმქონე სტუდენტის ჯანმრთელობისა და უბედური შემთხვევის დაზღვევის პირობებისა და წესის განსაზღვრის შესახებ“ საქართველოს მთავრობის 2020 წლის 10 სექტემბრის N572 დადგენილების დანართით გათვალისწინებული პირობების დარღვევა, კერძოდ - სადაზღვევო პოლისის წარმოუდგენლობა.
ერთიანი ეროვნული გამოცდების/საერთო სამაგისტრო გამოცდების გავლის გარეშე ჩარიცხულ უცხო ქვეყნის მოქალაქეს შეუჩერდება სტუდენტის სტატუსი თუ მან სასწავლო კომპონენტის შეფასების სულ მცირე ერთ კომპონენტში არ მიიღო შეფასება, აკადემიური რეგისტრაციის გავლიდან 45 კალენდარული დღის განმავლობაში.
ფინანსური დავალიანების საფუძველზე სტუდენტის სტატუსის შეჩერება ხდება SEU-სა და სტუდენტს შორის არსებული ხელშეკრულებით დადგენილი სწავლის საფასურის გადახდის გრაფიკის დარღვევის შემთხვევაში.
სტუდენტის სტატუსის შეჩერების მაქსიმალური ვადაა ჯამში 5 წელი. სტუდენტის სტატუს შეჩერებული პირი სარგებლობს შიდა და გარე მობილობის უფლებით. იმ სტატუსშეჩერებული სტუდენტებისათვის, რომლებსაც სტატუსი შეჩერებული აქვთ 2024 წლის 1 მარტის მდგომარეობით, ამ პუნქტით გათვალისწინებული სტატუსის შეჩერების ჯამური 5 წლიანი ვადის ათვლა დაიწყება 2024 წლის პირველი მარტიდან.
სტატუსის შეჩერების მაქსიმალური ვადის, ჯამში 5 წლის გასვლის შემდეგ პირს უწყდება სტუდენტის სტატუსი და უფლება აქვს სტატუსის შეწყვეტიდან ერთი წლის განმავლობაში ისარგებლოს მობილობის უფლებით.
დაუშვებელია გაცვლითი საგანმანათლებლო პროგრამის ფარგლებში საქართველოდან წასული გაცვლითი საგანმანათლებლო პროგრამის მონაწილე სტუდენტისათვის სტუდენტის სტატუსის შეჩერება.
სტუდენტის სტატუსის შეჩერება ფორმდება რექტორის ბრძანებით და შესაბამისი ინფორმაცია კანონმდებლობით დადგენილ ვადაში აისახება რეესტრში. სტუდენტისათვის შესაბამისი ბრძანების მიწოდება/ჩაბარებად ითვლება სტატუსის შესახებ ინფორმაციის ცვლილება სასწავლო პროცესის მართვის ელექტრონულ სისტემაში.
სტუდენტის სტატუსის შეწყვეტის საფუძველია:
სტუდენტისათვის სტატუსის შეწყვეტა ეთიკის კოდექსის დარღვევის საფუძველზე შესაძლებელია დისციპლინური წარმოების გზით და იმ შემთხვევაში, თუ გამოვლინდა მძიმე დარღვევა, რომელიც უხეში, განზრახი ხასიათისაა და დარღვევას თან ახლავს საფრთხე/ნეგატიური შედეგები SEU-ს, მისი პერსონალის ან სხვა სტუდენტის ან მესამე პირებისათვის.
სტუდენტის სტატუსის შეწყვეტა ფორმდება რექტორის დასაბუთებული ბრძანებით და იწვევს სტუდენტთან დადებული ხელშეკრულების მოშლას.
სტუდენტის სტატუსის შეწყვეტის შესახებ სამართლებრივი აქტით გათვალისწინებული სამართლებრივი შედეგები დგება რექტორის ბრძანების გამოცემიდან თორმეტი თვის შემდეგ.
დროის ამ მონაკვეთში სტუდენტის სტატუსი ითვლება შეჩერებულად და სტუდენტი უფლებამოსილია ისარგებლოს მობილობის უფლებით, გარდა იმ შემთხვევისა, როდესაც სტუდენტის სტატუსის შეწყვეტის საფუძველი შეუთავსებელია მიმღები დაწესებულების წესდებასთან.
სტუდენტის სტატუსის შეწყვეტის შემთხვევაში, მისი ხელახლა მოპოვება დასაშვებია კანონმდებლობით დადგენილი წესით. SEU კანონმდებლობით დადგენილ ვადაში უზრუნველყოფს რეესტრში სტუდენტის სტატუსის შეწყვეტის ასახვას.
სტუდენტისათვის შეჩერებული სტატუსის აღდგენა შესაძლებელია სტატუსის შეჩერებიდან ჯამურად არაუმეტეს 5 წლის ვადაში. სტუდენტის პირადი განცხადებით, იმ გარემოების აღმოფხვრის შემდეგ, რამაც გამოიწვია სტუდენტის სტატუსის შეჩერება.
თუ სტუდენტს შეუჩერდება სტატუსი სემესტრის მიმდინარეობის დროს, სტატუსის აღდგენა დაიშვება იმ შემთხვევაში, თუ გაბათილებულია შეჩერების საფუძველი და მიმდინარე სემესტრის ფარგლებში შესაძლებელია აკადემიური შედეგების მიღწევა, სასწავლო პროცესის რეგულირების წესით განსაზღვრული შუალედური შეფასების მინიმალური კომპეტენციის ზღვრის დაძლევა.
ზემოაღნიშნულისაგან განსხვავებულ შემთხვევაში, სტუდენტს სტატუსი აღუდგება მომდევნო სემესტრში, ადმინისტრაციული რეგისტრაციის გავლის გზით და მოქმედ საგანმანათლებლო პროგრამაზე სწავლების სემესტრი განესაზღვრება მის მიერ გავლილი პროგრამის ფარგლებში ათვისებული კრედიტების მოქმედ პროგრამასთან შესაბამისობის დადგენის გზით.
დაუშვებელია იმ პირის აღდგენა SEU-ში, რომელსაც SEU-ს სტუდენტის სტატუსი შეუწყდა ეთიკის კოდექსის დარღვევისთვის ან/და კანონმდებლობით განსაზღვრულ სხვა შემთხვევაში.
სტუდენტის სტატუსის აღდგენა ფორმდება რექტორის ბრძანებით და სტუდენტის სტატუსის აღდგენა რეესტრში აისახება კანონმდებლობით დადგენილ ვადაში.
