29 მაისს, საქართველოს ეროვნულ უნივერსიტეტ SEU-ში ტურიზმის საბაკალავრო პროგრამის სტუდენტებსა და დაინტერესებულ პირთათვის ჩატარდა საკრუიზო მოგზაურობის და ბიზნესის პრეზენტაცია.
პრეზენტაციას გაუძღვა მარიკა ვალნერი - საქართველოს ეროვნული უნივერსიტეტი SEU-ს ტურიზმის საბაკალავრო პროგრამის 2017 წლის კურსდამთავრებული.
მარიკა ვალნერი უკვე 3 წელია, რაც ამერიკაში საკრუიზო მოგზაურობით და ბიზნესით არის დაკავებული. ის არის საკრუიზო კომპანია inCruises-ის ბიზნეს პარტნიორი, რომლის მთავარი მიზანია საკრუიზო დასვენება ყველასათვის ხელმისაწდომი გახადოს.
პრეზენტაციის ფარგლებში აუდიტორიამ მიიღო ინფორმაცია სერვისის, შეთავაზებებისა და ტარიფების შესახებ.
