17 თებერვალს, SEU - ში გაიმართა საორგანიზაციო შეხვედრა Julius - Maximillians- UNIVERSITAT WURZBURG- ის წარმომადგენლებსა და საქართველოს უნივერსიტეტების წარმომადგენლებს შორის.
შეხვედრას ესწრებოდნენ საქართველოს ეროვნული უნივერსიტეტი SEU - ს, კავკასიის საერთაშორისო უნივერსიტეტისა და ილიას სახელმწიფო უნივერსიტეტის წარმომადგენლები.
SEU - სა და სხვა საქართველოს უნივერსიტეტების სტუდენტებს ექნებათ შესაძლებლობა მონაწილეობა მიიღონ საზაფხულო სკოლაში გერმანელ სტუდენტებთან ერთად. საზაფხულო სკოლას „სამართლებრივი სახელმწიფო და დემოკრატია“ გაუძღვებიან გერმანელი და ქართველი პროფესორები.
საზაფხულო სკოლის ფინანსური მხარდამჭერია DAAD (გერმანიის საერთაშორისო სამსახური).
