სეუ - საქართველოს ეროვნული უნივერსიტეტი

საქართველოს ეროვნული უნივერსიტეტი სეუ აცხადებს ღია კონკურსს აკადემიური თანამდებობების (ასოცირებული პროფესორი, ასისტენტ-პროფესორი) დასაკავებლად, როგორც აკადემიური,  ასევე პროფესიული ნიშნით ბიზნესისა და ტექნოლოგიების ფაკულტეტზე (ქართულ და ინგლისურენოვან პროგრამებზე) 

საკონკურსო ვაკანსიები:

ბიზნეს-ანალიტიკის სამაგისტრო პროგრამა

მიმართულება: ბიზნეს ანალიტიკა

• ასოცირებული პროფესორი - 1 ვაკანსია (აკადემიური ნიშნით);
• ასოცირებული პროფესორი - 2 ვაკანსია (პროფესიული ნიშნით);
• ასისტენტ-პროფესორი - 1 ვაკანსია (აკადემიური ნიშნით);
• ასისტენტ-პროფესორი - 1 ვაკანსია  (პროფესიული ნიშნით).
  
  

მიმართულება: გადაწყვეტილებების პროცესი და დიზაინი

• ასოცირებული პროფესორი - 1 ვაკანსია (აკადემიური ნიშნით);
• ასოცირებული პროფესორი - 1 ვაკანსია (პროფესიული ნიშნით).

ფინანსური ტექნოლოგიების სამაგისტრო პროგრამა

მიმართულება: ფინანსური ტექნოლოგიები

• ასოცირებული პროფესორი - 1 ვაკანსია (აკადემიური ნიშნით);
• ასოცირებული პროფესორი - 2 ვაკანსია (პროფესიული ნიშნით);
• ასისტენტ-პროფესორი - 1 ვაკანსია (აკადემიური ნიშნით);
• ასისტენტ-პროფესორი - 1 ვაკანსია  (პროფესიული ნიშნით).
  
  

მიმართულება: ფინანსური აღრიცხვა და ანალიტიკა

• ასოცირებული პროფესორი - 1 ვაკანსია (აკადემიური ნიშნით);
• ასისტენტ-პროფესორი - 1 ვაკანსია (აკადემიური ნიშნით);
• ასისტენტ-პროფესორი - 1 ვაკანსია  (პროფესიული ნიშნით).
  
  

კონკურსში მონაწილეობის მისაღებად, კონკურსანტმა უნდა დააკმაყოფილოს შესაბამის საკონკურსო ვაკანსიაზე  მოთხოვნილი (აკადემიური/ პროფესიული) ნიშნით შესაბამისობა, ქვემოთ მოყვანილი კრიტერიუმებთან:  

ასოცირებული პროფესორის აკადემიურ თანამდებობაზე:

აკადემიური ნიშნით: 

• დოქტორის ან მასთან გათანაბრებული აკადემიური ხარისხი;
• არანაკლებ 3 წლის სამეცნიერო-პედაგოგიური მუშაობის გამოცდილება უმაღლეს საგანმანათლებლო დაწესებულებაში;
• შესაბამისი სასწავლო კურსის/კურსების თემატიკის მიმართულებით უკანასკნელი 5 წლის განმავლობაში გამოქვეყნებული სამეცნიერო პუბლიკაცია/პუბლიკაციები;
• ინგლისური ენის ცოდნა (მინიმუმ B2); 
• აკადემიური საქმიანობის ხედვა;
• საგანმანათლებლო პროგრამის შესაბამისი სასწავლო კურსის/კურსების სილაბუს(ებ)ის წარმოდგენა;

ასოცირებული პროფესორის აკადემიურ თანამდებობაზე:

პროფესიული ნიშნით: 

• მაგისტრის ან მასთან გათანაბრებული აკადემიური ხარისხი;

• არანაკლებ 5 წლის მუშაობის გამოცდილება შესაბამის დარგში, რაც დაკავშირებულია სფეროში, პრაქტიკულ მოღვაწეობასთან;
• ინგლისური ენის ცოდნა (მინიმუმ B2); 

• აკადემიური საქმიანობის ხედვა;
• საგანმანათლებლო პროგრამის შესაბამისი სასწავლო კურსის/კურსების სილაბუს(ებ)ის წარმოდგენა.
•  შესაბამისი სასწავლო კურსის/კურსების თემატიკის მიმართულებით უკანასკნელი 5 წლის განმავლობაში გამოქვეყნებული სამეცნიერო პუბლიკაცია/პუბლიკაციები;
  
  

ასისტენტ-პროფესორის აკადემიურ თანამდებობაზე:

აკადემიური ნიშნით:

• დოქტორის ან მასთან გათანაბრებული აკადემიური ხარისხი;
• შესაბამისი სასწავლო კურსის/კურსების თემატიკის მიმართულებით უკანასკნელი 5 წლის განმავლობაში გამოქვეყნებული სამეცნიერო პუბლიკაცია/პუბლიკაციები;
• ინგლისური ენის ცოდნა (მინიმუმ B2);
• აკადემიური საქმიანობის ხედვა;
• საგანმანათლებლო პროგრამის შესაბამისი სასწავლო კურსის/კურსების სილაბუს(ებ)ის წარმოდგენა;
   

ასისტენტ-პროფესორის აკადემიურ თანამდებობაზე:

პროფესიული ნიშნით:

• მაგისტრის ან მასთან გათანაბრებული აკადემიური ხარისხი;
• არანაკლებ 3 წლის მუშაობის გამოცდილება შესაბამის დარგში, რაც დაკავშირებულია სფეროში, პრაქტიკულ ან პედაგოგიურ მოღვაწეობასთან;
• ინგლისური ენის ცოდნა (მინიმუმ B2);
• აკადემიური საქმიანობის ხედვა;
• საგანმანათლებლო პროგრამის შესაბამისი სასწავლო კურსის/კურსების სილაბუს(ებ)ის წარმოდგენა.
• შესაბამისი სასწავლო კურსის/კურსების თემატიკის მიმართულებით უკანასკნელი 5 წლის განმავლობაში გამოქვეყნებული სამეცნიერო პუბლიკაცია/პუბლიკაციები;

დამატებითი კრიტერიუმები აკადემიური პერსონალისთვის:

• შესაბამის დარგში პრაქტიკული გამოცდილება;
• სამეცნიერო კონფერენციებში მონაწილეობა, სამეცნიერო სტიპენდიები და გრანტები;
• პროფესიული განვითარების ღონისძიებებში მონაწილეობა;
  
  

საკონკურსოდ წარმოსადგენი დოკუმენტაცია: 

• განცხადება (კონკურსში მონაწილეობის მისაღებად შესაბამისი აკადემიური თანამდებობისა და მიმართულების მითითებით);
• კონკურსანტის ანკეტა;
• პირადობის დამადასტურებელი დოკუმენტის ასლი;
• „სქესობრივი თავისუფლებისა და ხელშეუხებლობის წინააღმდეგ მიმართული დანაშაულის ჩადენისთვის ნასამართლობის შესახებ ცნობა„
• „უფლების ჩამორთმევის შესახებ ცნობა“;
• საკონკურსო ვაკანსიისთვის დადგენილი კრიტერიუმების შესაბამისი დოკუმენტაცია:

კვალიფიკაციის დამადასტურებელი საგანმანათლებლო დოკუმენტები (უცხოეთში მიღებული განათლების შემთხვევაში, აუცილებელია განათლების აღიარების დამადასტურებელი დოკუმენტის წარმოდგენა);

• ინფორმაცია პროფესიული/სამეცნიერო-პედაგოგიური გამოცდილების შესახებ (აუცილებელია შესაბამისი ცნობის წარმოდგენა ვაკანსიით გათვალისწინებული სამუშაო სტაჟის დასადასტურებლად);
• ინფორმაცია გამოქვეყნებული სამეცნიერო ნაშრომების შესახებ;

• აკადემიური საქმიანობის ხედვა;
• სილაბუს(ებ)ი;
• ინგლისური ენის კომპეტენციის დამადასტურებელი დოკუმენტი;
• დამატებით კრიტერიუმებთან კონკურსანტის შესაბამისობის დამადასტურებელი დოკუმენტაცია;
   

კონკურსის პირობები: 

• საკონკურსო განაცხადი და შესაბამისი დოკუმენტაცია წარმოდგენილი უნდა იყოს საკონკურსო დოკუმენტაციის წარმოდგენის ვადებში.
• კომისია უფლებამოსილია გადაამოწმოს კონკურსანტის მიერ წარმოდგენილი ინფორმაციის და დოკუმენტაციის სისწორე ან/და მოსთხოვოს კონკურსანტს დამატებითი დოკუმენტაციის წარმოდგენა. დამატებითი დოკუმენტაციის მოთხოვნის შემთხვევაში, კონკურსის შემდეგ ეტაპზე პირი დაიშვება შესაბამისი დოკუმენტაციის წარმოდგენის პირობით.
• საქართველოს ეროვნული უნივერსიტეტ სეუ-ში თქვენს მიერ გაგზავნილი რეზიუმე "პერსონალურ მონაცემთა დაცვის შესახებ" საქართველოს კანონის შესაბამისად, შესაძლოა შეიცავდეს პერსონალურ მონაცემებს, მათ შორის განსაკუთრებული კატეგორიის მონაცემებსაც. გაცნობებთ, რომ თქვენი პერსონალური მონაცემები საქართველოს ეროვნული უნივერსიტეტი სეუ-ს მხრიდან დამუშავდება თქვენთან სახელშეკრულებო, მათ შორის შრომითი ურთიერთობის დამყარების შესახებ გადაწყვეტილების მიღების მიზნებისათვის.
• კონკურსში შერჩეულ პირებს, სურვილის შემთხვევაში, გაუფორმდებათ აფილირების ხელშეკრულება.
  
  

კონკურსანტების შერჩევის პირობები: 

• პირველ ეტაპი - წარმოდგენილი დოკუმენტაციის გადარჩევა, დოკუმენტაციის სისრულისა და ძირითად კრიტერიუმებთან მათი შესაბამისობის დადგენა;
• მეორე ეტაპი - ინგლისური ენის ტესტი (იმ კანდიდატთათვის, რომლებიც ვერ შეძლებენ ინგლისური ენის კომპეტენციის დამადასტურებელი დოკუმენტის წარდგენას) ;
• მესამე ეტაპი - გასაუბრება, საკონკურსო კომისიის მიერ კონკურსანტის თითოეულ ძირითად კრიტერიუმთან შესაბამისობის დადგენა, ხოლო იმ შემთხვევაში, თუ კონკურსანტთა რაოდენობა აღემატება შესაბამის ვაკანსიათა რაოდენობას, ასევე დამატებით კრიტერიუმებთან შესაბამისობის შეფასება.
  
  

კონკურსის ვადები:

• კონკურსი გამოცხადებულია 2023 წლის 29 დეკემბრიდან;
• აკადემიური თანამდებობების დაკავების მსურველთა საბუთების მიღება იწარმოებს: 2024 წლის 29 იანვრიდან 2024 წლის 11 თებერვლის ჩათვლით;
• კონკურსის პირველი ეტაპი საბუთების გადარჩევა: 2024 წლის 12-13 თებერვალი;
• კონკურსის მეორე ეტაპი ინგლისური ენის ტესტი: 2024 წლის 14 თებერვალი;
• კონკურსის მესამე ეტაპი საკონკურსო კომისიასთან გასაუბრება: 2024 წლის 15-16 თებერვალი (გასაუბრების ზუსტი თარიღი და დრო კანდიდატს ეცნობება კონკურსის პირველი ეტაპის გავლის შემდეგ);
• კონკურსის შედეგების გამოქვეყნება: 2024 წლის 19 თებერვალი;
• სააპელაციო განაცხადის მიღება: 2024 წლის 20 თებერვალი;
• სააპელაციო განაცხადების განხილვა: 2024 წლის 21 თებერვალი;
• კონკურსის საბოლოო შედეგების გამოქვეყნება: 2024 წლის 22 თებერვალი.
• დაინტერესებულმა პირებმა საკონკურსო დოკუმენტაციის პაკეტი 2024 წლის 11 თებერვლის ჩათვლით უნდა გამოაგზავნონ ელექტრონულ ფოსტაზე: [email protected] (წერილის სათაურის ველში ვაკანსიის/აკადემიური თანამდებობის და მიმართულების მითითებით).

საკონტაქტო ელ. ფოსტა: [email protected]
ტელ: 2 90 00 00 შიდა 21

ჩამოტვირთე დოკუმენტაცია