სეუ - საქართველოს ეროვნული უნივერსიტეტი

საქართველოს ეროვნული უნივერსიტეტი სეუ განათლების განვითარებისა და დასაქმების ცენტრთან თანამშრომლობის ფარგლებში, სეუ-ს ფსიქოლოგიის ფაკულტეტის ბაკალავრიატისა და მაგისტრატურის სტუდენტებს გთავაზობთ სტაჟირების პროგრამას „სპეციალური პედაგოგის და ფსიქოლოგის მომზადება“.

პროგრამის აღწერა:

• სტაჟირების პროგრამის მიზანია, მოამზადოს დღის ცენტრების მომსახურების სტანდარტების, საერთაშორისო სტანდარტებისა და თანამედროვე მოთხოვნების შესაბამისი მაღალკვალიფიციური, კონკურენტუნარიანი, შესაბამისი პროფესიული სტანდარტის, ცოდნისა და პრაქტიკული უნარ-ჩვევების მქონე სპეციალისტი.
• სტაჟირების პროგრამის მონაწილე შესაძლებელია დასაქმდეს სკოლებში, ბაღებში და შეზღუდული შესაძლებლობის მქონე ბავშვთა დღის ცენტრებში სპეციალურ მასწავლებლად, ან ფსიქოლოგად.
• სტაჟირების პერიოდში სტუდენტი იღებს, როგორც თეორიულ, ასევე პრაქტიკულ ცოდნასა და უნარ-ჩვევებს, რომელიც ფასდება შესაბამისი კრიტერიუმების მიხედვით, 100 ქულიანი სისტემით.
• სტაჟირების დასრულების შემდგომ, დადებითი შეფასების შემთხვევაში, გაიცემა სერტიფიკატი.
   

პირობები:

• სტაჟირების პროგრამაზე დაიშვებიან ფსიქოლოგიის ფაკულტეტის სტუდენტები (ბაკალავრი, მაგისტრატურა);
• სტაჟირების პროგრამის ხანგრძლივობაა 3 თვე, კვირაში 15 საათი. (სტაჟიორი თავად არჩევს გრაფიკს);
• სტაჟირება არაანაზღაურებადია;
• სტაჟირების ადგილი: დღის ცენტრი „იალონი“, საგურამო;

შერჩევის ეტაპები:

• რეზიუმეების გადარჩევა;
• გასაუბრება;
• კანდიდატებს მიეცემათ დავალება, რის საფუძველზეც აირჩევიან საბოლოოდ სტაჟიორები;
  
  

რეზიუმეების მიღების ბოლო ვადა: 12 იანვარი.

დაინტერესებულმა პირებმა, გთხოვთ, გადმოაგზავნეთ თქვენი რეზიუმეები შემდეგ ელექტრონულ მისამართზე: [email protected] და სათაურის ველში მიუთითეთ სტაჟირების პროგრამის დასახელება: „სპეციალური პედაგოგის და ფსიქოლოგის მომზადება“, წინააღმდეგ შემთხვევაში თქვენი განაცხადი არ განიხილება.

გისურვებთ წარმატებებს!