სეუ - საქართველოს ეროვნული უნივერსიტეტი

საქართველოს ეროვნული უნივერსიტეტი სეუ განათლების განვითარებისა და დასაქმების ცენტრთან თანამშრომლობის ფარგლებში, სეუ-ს ფსიქოლოგიის ფაკულტეტის ბაკალავრიატისა და მაგისტრატურის სტუდენტებს გთავაზობთ სტაჟირების პროგრამას „სპეციალური პედაგოგის და ფსიქოლოგის მომზადება“

პირობები:

• სტაჟირების პროგრამაზე დაიშვებიან ფსიქოლოგიის ფაკულტეტის სტუდენტები, ან კურსდამთავრებულები (ბაკალავრი, მაგისტრატურა);
• სტაჟირების პროგრამის ხანგრძლივობაა 3 თვე, კვირაში 15 საათი, შაბათ–კვირის და უქმე დღეების გარდა (სტაჟიორი თავად არჩევს გრაფიკს);
• სტაჟირება არაანაზღაურებადია;
• სტაჟირების ადგილი: დღის ცენტრი „იალონი“, მცხეთის მუნიციპალიტეტი, სოფ. საგურამო;

პროგრამის აღწერა:

• სტაჟირების პროგრამის მიზანია, მოამზადოს დღის ცენტრების მომსახურების სტანდარტების, საერთაშორისო სტანდარტებისა და თანამედროვე მოთხოვნების შესაბამისი მაღალკვალიფიციური, კონკურენტუნარიანი, შესაბამისი პროფესიული სტანდარტის, ცოდნისა და პრაქტიკული უნარ-ჩვევების მქონე სპეციალისტი.
• სტაჟირების პროგრამის მონაწილე შესაძლებელია დასაქმდეს სკოლებში, ბაღებში და შეზღუდული შესაძლებლობის მქონე ბავშვთა დღის ცენტრებში სპეციალურ მასწავლებლად, ან ფსიქოლოგად.
• სტაჟირების პერიოდში სტუდენტი იღებს, როგორც თეორიულ, ასევე პრაქტიკულ ცოდნასა და უნარ-ჩვევებს, რომელიც ფასდება შესაბამისი კრიტერიუმების მიხედვით, 100 ქულიანი სისტემით.
• სტაჟირების დასრულების შემდგომ, დადებითი შეფასების შემთხვევაში, გაიცემა სერტიფიკატი.

შერჩევის ეტაპები:

• რეზიუმეების გადარჩევა;
• გასაუბრება;
• კანდიდატებს მიეცემათ დავალება, რის საფუძველზეც აირჩევიან საბოლოოდ სტაჟიორები;

სწავლების მეთოდი

• ვერბალური ანუ ზეპირსიტყვიერი;
• წიგნზე/ტექსტზე მუშაობა;
• დემონსტრირება და მოდელირება;
• პრაქტიკული მეცადინეობები;
• ჯგუფური და ინდივიდუალური მუშაობა;
• სიტუაციური ამოცანის/შემთხვევის ანალიზი;
• სიუჟეტურ–როლური თამაში/სიმულაცია;
• პრეზენტაცია/პოსტერი;
• ვარჯიში;
• პორტფოლიოს წარმოება;

რეზიუმეების მიღების ბოლო ვადა: 2022 წლის 20 ნოემბერი

დაინტერესებულმა პირებმა, გთხოვთ, გადმოაგზავნეთ თქვენი რეზიუმეები შემდეგ ელექტრონულ მისამართზე: [email protected]  და სათაურის ველში მიუთითეთ სტაჟირების პროგრამის დასახელება: სპეციალური პედაგოგის და ფსიქოლოგის მომზადება.

გისურვებთ წარმატებებს!