ადმინისტრაციული პერსონალის საერთაშორისო მობილობა:
SEU-ს ადმინისტრაციულ პერსონალს, რომელიც ფლობს ინგლისურ ენის B2 დონეს აქვს შესაძლებლობა ისარგებლოს მობილობით პარტნიორ უნივერსიტეტებში ერთი კვირიდან 2 თვემდე ვადით. მობილობის პერიოდი და ვადა განისაზღვრება პარტნიორი უნივერსიტეტის მიერ.
მოთხოვნილი დოკუმენტების ჩამონათვალი:
- სააპლიკაციო ფორმა
- პასპორტის ასლი
- რეზიუმე
- სარეკომენდაციო წერილი უშუალო ხელმძღვანელისგან
- დოკუმენტი, რომელიც ადასტურებს B2 დონეზე ინგლისური ენის კომპეტენციას (სერტიფიკატი, საერთაშორისო პროექტებში მონაწილეობის გამოცდილების ცნობა).
შეფასების კრიტერიუმები:
ადმინისტრაციული პერსონალის შერჩევა მობილობის პროგრამაში ჩასართავად მოხდება გამოცხადებული კონკურსის საფუძველზე, მობილობის თემატიკიდან გამომდინარე, შესარჩევი კომისიის მხრიდან.
დაფინანსება:
- Erasmus+ გაცვლითი პროგრამა ადმინისტრაციული პერსონალის საერთაშორისო მობილობისთვის ფარავს მგზავრობის ხარჯს და გასცემს სტიპენდიებს.
- ადმინისტრაციულ პერსონალზე ყოველდღიური სტიპენდიის ოდენობა განისაზღვრება Erasmus+ პროგრამის წესდების და მიმღები ქვეყნის კანონმდებლობის შესაბამისად 100 იდან 160 ევროს რაოდენობით.
- მგზავრობის ხარჯის ანაზღაურება ხდება მშობლიურ და მასპინძელ ქალაქებს შორის არსებული მანძილის შესაბამისად.
ქალაქებს შორის მანძილი და ასანაზღაურებელი თანხა:
- 10 კმ-იდან 99 კმ-ის ჩათვლით - 20 ევრო თითოეულ მონაწილეზე
- 100კმ-იდან 499 კმ-ის ჩათვლით - 180 ევრო თითოეულ მონაწილეზე
- 500კმ-იდან 1999 კმ-ის ჩათვლით - 275 ევრო თითოეულ მონაწილეზე
- 2000 კმ-იდან 2999 კმ-ის ჩათვლით - 360 ევრო თითოეულ მონაწილეზე
- 3000 კმ-იდან 3999 კმ-ის ჩათვლით - 530 ევრო თითოეულ მონაწილეზე
- 4000 კმ-იდან 7999 კმ-ის ჩათვლით - 820 ევრო თითოეულ მონაწილეზე
- 8000 კმ და მეტი - 1300 ევრო თითოეულ მონაწილეზე