English
EN GE

სწავლის შედეგი

პროგრამის დასრულების შემდეგ ბაკალავრი უნდა ფლობდეს ცოდნას საერთაშორისო ურთიერთობების თეორიებისა და კვლევის მეთოდებში. უნდა ჰქონდეს პრობლემის კომპლექსურად შესწავლის და გადაჭრის საჭირო ინფორმაციის მოძიების და საკითხისადმი კრიტიკულად მიდგომის უნარი. ასევე ბაკალავრს უნდა შეეძლოს სამეცნიერო ხელმძღვანელის ზედამხედველობის ქვეშ, შეიმუშაოს და განახორციელო საკუთარი კვლევითი პროექტი.

ა) ცოდნა და გაცნობიერება:


საბაკალავრო პროგრამის დასრულების შემდეგ სტუდენტს ექნება საერთაშორისო ურთიერთობების თეორიული ცოდნა. კერძოდ, კურსდამთავრებულს ეცოდინება:

  • საერთაშორისო ურთიერთობების ძირითადი ცნებები და თეორიები.
  • თეორიული, კონცეპტუალური და ისტორიული ცოდნა საერთაშორისო პოლიტიკისა და მის მომიჯნავე დისციპლინებში.
  • კომპლექსური წარმოდგენა თანამედროვე საერთაშორისო ურთიერთობებზე.
  • საერთაშორისო ურთიერთობების პოლიტიკური, საზოგადოებრივი, ფილოსოფიური, ისტორიული, სამართლებრივი და ეკონომიკური ასპექტები.
  • დისციპლინის განვითარების ისტორია.
  • გეოპოლიტიკური თეორიები და ქვეყნების საგარეო–პოლიტიკური ორიენტაცია.
  • დიპლომატიური და საკონსულო სამართლის მნიშვნელოვანი ინსტიტუტები.
  • გლობალიზაციისა და უსაფრთხოების პრობლემების საკითხები.
  • საერთაშორისო სამართლის ძირითადი პრინციპებისა და მისი მნიშვნელოვანი ინსტიტუტები.
  • საერთაშორისო სისტემაში საქართველოს როგორც პატარა სახელმწიფოს მნიშვნელობა და ადგილი.
  • ანალიტიკური ნაშრომების შესრულების პრინციპები და სტანდარტები.

ბ) ცოდნის პრაქტიკაში გამოყენების უნარი:


პროგრამის დასრულების შემდეგ კურსდამთავრებულს უნდა შეეძლოს შეძენილი თეორიული ცოდნის პრაქტიკაში გამოყენება. საჭირო რესურსებით ინფორმაციის მოპოვება, დამუშავება და ლოგიკური დასკვნების გაკეთება. ასევე ბაკალავრს უნდა შეეძლოს კვლევითი საქმიანობის წარმართვა ხელმძღვანელის ზედამხედველობის ქვეშ. ამასთან ერთად მას უნდა გააჩნდეს:

• საერთაშორისო ურთიერთობების თეორიულ და პრაქტიკულ პრობლემებში ორიენტაციის უნარი.
• მიმდინარე პოლიტიკური მოვლენების და სოციალურ-ეკონომიკური სიტუაციის შეფასებაზე დაყრდნობით გადაწყვეტილების მიღების უნარი.
• საგარეო პოლიტიკის განხორციელებასთან დაკავშირებული პრობლემების იდენტიფიცირების, მათი გადაწყვეტისათვის საშუალებების მოძიების, განმარტებისა და გამოყენების უნარი.
• საერთაშორისო პროცესებში წარმოქმნილი სიტუაციისა და ვითარების შეფასების და საკუთარი არგუმენტირებული თვალსაზრისის გამომუშავების უნარი.
• კონფლიქტური სიტუაციების მართვის და მის მოგვარებაში მონაწილეობის უნარი.
• საჯარო დაწესებულებების შესაბამის სამსახურებში პროცედურების დაცვითა და სამართლებრივი საშუალებების გამოყენებით მოქმედების უნარი.
• დებატებში ჩართვის, განსხვავებული აზრის გაგებისა და პოლიტიკური მოვლენების ანალიზისას საკუთარი პოზიციის დასაბუთების უნარი.
• კონკურენტულ გარემოში საკუთარი შესაძლებლობების განვითარების და რეალიზების უნარი.

გ) დასკვნის უნარი:

 საერთაშორისო ურთიერთობების საბაკალავრო პროგრამის კურსდამთავრებულს უნდა შეეძლოს:

  • საერთაშორისო ურთიერთობების სფეროში არსებული ძირითადი პრობლემის იდენტიფიკაცია, გამოცალკევება და ერთმანეთთან შედარება.
  • საერთაშორისო პოლიტიკის მიმდინარე მოვლენების და ტენდენციების ფართო ისტორიულ კონტექსტში განხილვა.
  • პოლიტიკური ხასიათის მოვლენების განზოგადების, კონკრეტული ფაქტების ანალიზი და მათი შეფასება.
  • სხვა მონათესავე დარგების შეფასების უნარი მიღებულ თეორიულ და პრაქტიკულ ცოდნაზე დაყრდნობით
  • სხვადასხვა წყაროებიდან ახალი ინფორმაციის მოძიება და კრიტიკული ანალიზის საფუძველზე დასაბუთებული გადაწყვეტილებების მიღება.
  • განსახორციელებელი ღონისძიების შემუშავება და სამოქმედო გეგმის პროცედურის აღწერა.
  • ადგილობრივი და საერთაშორისო მონაცემთა ბაზების მოძიება.
  • ჩატარებული კვლევის შედეგად მიღებული მონაცემების სწორი დიაგნოსტირება.
  • შეთავაზებული გადაწყვეტილების დაცვა.

დ) კომუნიკაციის უნარი:

საბაკალავრო პროგრამის კურსდამთავრებულს უნდა შეეძლოს:

  • ჯგუფში მუშაობა და ჯგუფური გადაწყვეტილებების შემუშავებაში მონაწილეობა.
  • დისკუსიებში და საჯარო განხილვებში ეფექტურად მონაწილეობა.
  • უცხოურ და მშობლიურ ენაზე ოფიციალური და საქმიანი დოკუმენტაციის წარმოება.
  • საკითხის ჩამოყალიბება და მისი წარდგენა როგორც წერილობით, ასევე ვერბალურად.
  • ანგარიშების, მემორანდუმების და მოხსენებების წერითი და ზეპირი პრეზენტაციის გაკეთება.
  • პროფესიულ მოლაპარაკებებში მონაწილეობა.
  • დიპლომატიური ეტიკეტის ფარგლებში მოლაპარაკების წარმართვა.
  • თანამედროვე საინფორმაციო და საკომუნიკაციო ტექნოლოგიების თავისუფლად გამოყენება.
  • ინფორმაციულ ბანკებზე დაყრდნობით ინფორმაციის მოძიება და გადამუშავება.
  • საერთაშორისო პოლიტიკური და გლობალური პროცესების შესახებ არგუმენტირებული თვალსაზრისის წარმოჩენა.

ე) სწავლის უნარი:

საერთაშორისო ურთიერთობების საბაკალავრო პროგრამის კურსდამთავრებულს უნდა შეეძლოს:

  • სამეცნიერო დარგობრივ ლიტერატურასთან დამოუკიდებლად მუშაობა.
  • პროფესიულ და სხვა წყაროებთან მუშაობა, ლიტერატურის და დოკუმენტების შესწავლა და დამუშავება.
  • საინფორმაციო და საგანმანათლებლო ტექნოლოგიების საფუძველზე თვით სწავლის განვითარება.
  • საერთაშორისო ურთიერთობებში საბაზისო თეორიული და მეთოდოლოგიური ცოდნის მუდმივი განახლება.
  • საკუთარი ცოდნის შეფასების, შემდგომი სწავლის საჭიროების განსაზღვრა და დამოუკიდებლად ცოდნის გაღრმავება.

ვ) ღირებულებები:

საერთაშორისო ურთიერთობების საბაკალავრო პროგრამის კურსდამთავრებულს უნდა ჰქონდეს შემდეგი ღირებულებები:

  • ზოგადსაკაცობრიო ღირებულებების (რელიგიური, ეთიკური, კულტურული, ტრადიციული, თანასწორუფლებიანობა და სხვა) ფორმირება პროცესში მონაწილეობის მიღება და მათ დასამკვიდრებლად სწრაფვა.
  • სოციალური, სახელმწიფო და სამოქალაქო პასუხისმგებლობის გაცნობიერება.
  • კულტურული, პიროვნული, რასობრივი, ენობრივი, ეთნიკური, რელიგიური თავისებურებები და მათი პატივისცემა.
  • საერთაშორისო ურთიერთობებსა და დიპლომატიაში დამკვიდრებული ეთიკური და მორალურ ნორმების აღიარებისა და დაცვის უნარი.
  • ადამიანის ძირითადი უფლებების პატივისცემა.
  • ფასეულობათა შორის გონივრული, მიზანშეწონილი თანაფარდობის დადგენის უნარი.