10 დეკემბერი ადამიანის უფლებათა დაცვის საერთაშორისო დღეა, რომლის ფარგლებშიც 2-10 დეკემერს ყოველწლიურად ტარდება „ადამიანის უფლებების სამართლის საუნივერსიტეტო კვირეული“.
კვირეულის მიზანია სტუდენტებსა და ახალგაზრდებში ადამიანის უფლებების პრობლემური საკითხების შესახებ ცოდნის გავრცელება და უნივერსიტეტების თანამშრომლობის გზით, ადამიანის უფლებების სამართლის შესახებ იდეათა და მოსაზრებათა აქტიური ურთიერთგაცვლა.
აღსანიშნავია, რომ SEU ადამიანის უფლებათა დაცვის საკითხებში აქტიურადაა ჩართული, მიგვაჩნია, რომ ერთობლივი ძალისხმევით, შევძლებთ ადამიანის უფლებათა პრობლემური საკითხების შესახებ საზოგადოების ცნობიერების ამაღლებას და ქართულ საზოგადოებაში ადამიანის ღირსების, თავისუფლების და კანონის წინაშე თანასწორობის განმტკიცებას.
ადამიანის უფლებების სამართლის საუნივერსიტეტო კვირეული ტარდება ამერიკის შეერთებული შტატების საერთაშორისო განვითარების სააგენტოს მიერ დაფინანსებული პროგრამის „კანონის უზენაესობის მხარდაჭერა საქართველოში" (USAID-PROLoG) მხარდაჭერით.
კვირეულის ფარგლებში, SEU გთავაზობთ შემდეგ ღონისძიებებს:
საჯარო ლექცია თემაზე: ენერგიის უფლება.
კინოჩვენება გენდერული თანასწორობის შესახებ, ასევე გაიმართება დისკუსია.
დარეგისტრირდი
კინოჩვენება სქესობრივი დანაშაულების შესახებ, ასევე გაიმართება დისკუსია.
საჯარო ლექცია თემაზე: პანდემია და ადამიანის უფლებები.
კინოჩვენება, ასევე გაიმართება დისკუსია - მრავალფეროვნების სახეები-სოფო, მრავალფეროვნების სახეები-ჰურიე.
საჯარო ლექცია თემაზე: იმიტირებული სასამართლო პროცესი ბიზნეს დავის განხილვის სპეციფიკა, ბიზნესის და ადამიანის უფლების სპეციფიკის გათვალისწინებით.
ადგილზე კვირეულში მონაწილეობის მიღების უფლება პირს აქვს იმ შემთხვევაში, თუ აქვს „მწვანე სტატუსი“, თუ იგი ვაქცინირებულია სრულად, ჩატარებული აქვს 72-საათიანი ვალიდურობის PCR-ტესტი ან 24-საათიანი ვალიდურობის ანტიგენ-ტესტი, ან გადატანილი აქვს კორონავირუსი.