9 დეკემბერს, საქართველოს ეროვნულ უნივერსიტეტ SEU-ში, ადამიანის უფლებების სამართლის საუნივერსიტეტო კვირეულის ფარგლებში პანელური დისკუსიები გაიმართება.
შეხვედრაზე განხილული იქნება ოჯახში ძალადობის ფორმები და მათ გამოვლენასთან დაკავშირებული სირთულეები. ასევე, ყურადღება გამახვილდება ოჯახში ძალადობის მსხვერპლთა დაცვის სამართლებრივ მექანიზმებზე, კერძოდ ოჯახში ძალადობის რა ფორმები ითვლება დანაშაულად და როგორ ისჯება, რა შემთხვევაში გამოიყენება შემაკავებელი და დამცავი ორდერები და როდის წესდება მოძალადეებზე ელექტრონული ზედამხედველობა.
საჯარო ლექციის ფარგლებში გაანალიზებული იქნება უმცირესობების სპეციალური უფლებების არსი; უმცირესობების მონაწილეობის ინსტიტუციური ბარიერები პირველი დონის დემოკრატიის ეტაპზე და ცენტრალურ დონეზე; ასევე, გაანალიზდება უმზირესობების მონაწილეობის მომწესრიგებელი საუკეთესო საერთაშორისო პრაქტიკა და ევროსაბჭოს ინსტრუმენტები.
