SEU-ს რექტორის, გია კავთელიშვილის, გადაწყვეტილებით, 2020 წელს, SEU-ში ჩარიცხულ პირველკურსელებს, რომლებმაც SEU პირველ ნომრად აირჩიეს, უნივერსიტეტმა უპრეცედენტო საჩუქრები შესთავაზა - სტუდენტს თავად შეეძლო აერჩია:
• სახელმწიფო სასწავლო გრანტის მფლობელებს - Notebook Lenovo ThinkBook 15 (15,6”) ან 1500ლ სასწავლო ვაუჩერი და უგრანტოებს
• Notebook Lenovo V15 (15,6”) ან 1000ლ სასწავლო ვაუჩერი.
სტუდენტთა ნაწილმა ვაუჩერი აირჩია, ხოლო დიდი ნაწილისთვის არჩევანის შესაბამისად, SEU-მ 1400 -ზე მეტი ლეპტოპი შეიძინა.
ახალი კორონავირუსის პანდემიის პირობებში, სტუდენტებისათვის ლეპტოპების გადაცემის პროცესი ეტაპობრივად მიმდინარეობს.
სამი დღის განმავლობაში, უწყვეტ რეჟიმში, რეგიონებში მცხოვრებ პირველკურსელებს SEU-ს წარმომადგენლებმა საკუთარ სახლებში ჩაუტანეს ლეპტოპები შემდეგ მისამართებზე:
მცხეთა-მთიანეთი
შიდა ქართლი
სამცხე-ჯავახეთი
იმერეთი
სამეგრელო
აჭარა
გურია
SEU ყოველთვის გამოირჩევა მაღალი სოციალური პასუხისმგებლობითა და სტუდენტებზე ზრუნვით. გარდა საჩუქრებისა, სტუდენტები ყოველთვის მაქსიმალურ მხარდაჭერასა და ხელშეწყობას იღებენ უნივერსიტეტისგან, რათა უზრუნველყოფილი ჰქონდეთ კომფორტული და ხარისხიანი სასწავლო გარემო.
