სეუ - საქართველოს ეროვნული უნივერსიტეტი

ონლაინ-საჯარო ლექცია - „გენდერული ძალადობის ფსიქო-სოციალური ასპექტები“

29 ნოემბერს, საქართველოს ეროვნული უნივერსიტეტი SEU-ს ფსიქოლოგიის საბაკალავრო პროგრამის ინიციატივით, ქალთა მიმართ ძალადობის აღკვეთის საერთაშორისო დღესთან დაკავშირებით, ჩატარდა ონლაინ-საჯარო ლექცია თემაზე: „გენდერული ძალადობის ფსიქო-სოციალური ასპექტები“.

ლექციაზე განხილული იყო შემდეგი საკითხები:

• გენდერული ძალადობა, როგორც ფსიქოლოგიური ტრავმა;
• მოძალადის და მსხვერპლის ფსიქოლოგიური, ქცევითი მახასიათებლები;
• ძალადობის ციკლი;
• მსხვერპლის შეგრძნებები, რომლებმაც შეიძლება ხელი შეუშალოს მის თანამშრომლობას სამართალდამცავ ორგანოებთან;
• სახელმწიფო სერვისების როლი ძალადობის მსხვერპლთა დახმარება/გაძლიერების პროცესში;
  
  

ონლაინ-საჯარო ლექციის სპიკერები იყვნენ:

• მარიამ გვილავა - ფსიქოლოგი, სოციალურ მეცნიერებათა დოქტორი, SEU-ს ასისტენტ-პროფესორი;
• ინა შანავა - სოციალურ მეცნიერებათა დოქტორი, SEU-ს ასოცირებული პროფესორი.

შეხვედრის ფარგლებში, მონაწილეებმა დასვეს კითხვები და მიიღეს ინფორმაცია სპიკერებისგან.