7 ივლისს, საქართველოს ეროვნული უნივერსიტეტი სეუ-ს იურიდიული ფაკულტეტის ორგანიზებით, სამოქალაქო განათლების პრაქტიკული კურსის - “Street Law” დაჯილდოების ცერემონია ჩატარდა.
ასევე, გაიმართა იმიტირებული სასამართლო პროცესი, სამართლის სამაგისტრო პროგრამის სტუდენტების ორგანიზებით და მოსწავლეების მონაწილეობით.
"Street Law" იურიდიული ფაკულტეტის ორგანიზებით, მე-7 წელია ხორციელდება. კურსი სამართლის სამაგისტრო პროგრამის სტუდენტების მხარდაჭერით ტარდება და მასში მონაწილეობას იღებენ სკოლის მოსწავლეები მთელი საქართველოს მასშტაბით.
კურსის მიზანს წარმოადგენს სამართლებრივი ცნობიერების ამაღლება, მოიცავს როგორც თეორიულ, ასევე პრაქტიკულ კომპონენტებს.
აღსანიშნავია, რომ სკოლის მოსწავლეებს და სტუდენტებს გადაეცათ სერტიფიკატები კურსში მონაწილეობისათვის.
